呢排Jackal好古怪，日日夜夜喺度睇VCD，仲係同一套戲睇完又睇。
我叫佢出去食飯佢唔去，我叫佢帶我去玩佢唔去，我叫佢去打劫銀行佢唔去。
最慘就係霸住個電視，咁我點睇購物台同時裝台，我已經好耐無電視睇，想悶死我咩！
有一日我終於忍唔住，趁佢瞓咗覺，收埋個遙控，等佢瞓醒就唔會掛著睇電視。我好滿意自己諗出呢條橋，正在沾沾自喜，點知佢一瞓醒，第一件事，仍然係去睇VCD。
我實在頂唔順喇，我喺張床跳嚟跳去，佢突然大叫：唔想死就同我乖乖地坐喺度，唔好嘈！聽住！我有一個計劃！
嘩！佢一喝我仲唔收聲，想死咩！佢有一個計劃？咁即係有嘢做啦，男人有嘢做係最緊要，真係唔應該騷擾佢！
我唯有乖乖去買漢堡包俾佢食！搵機會再偷偷睇購物台！
文：Simone
