我焗住又去打劫，要買間向海嘅屋，打劫酒吧都唔係辦法，要喺短時間內完成任務，唯一可以做嘅就係打劫銀行。
我同Simone商量，佢都認為可行，我哋選擇去第二個州，揸住架林寶堅尼「雀」一聲就到，求其見到一間鄉村銀行，就行入去。我同Simone一人揸一支M16，我大力推門入去，Simone跟住我後面，點知度門自己彈返轉頭，兜頭拍落Simone個鼻，仲搞到流鼻血，我即刻問個「實Q」借紙巾，佢竟然叫我放低鎗舉手，你話我火唔火滾，有無咁不近人情呀！一個女仔流緊鼻血，痛到鬼殺咁嘈，我好聲好氣問佢借張紙巾，佢竟然用鎗指住我，仲叫我舉手放低鎗？
情況咁緊急仲叫我做啲咁嘅嘢？我條女流緊血呀，佢有無人性，有無同情心？我最憎人無同情心，仲搵支鎗指住我，我實在睇唔過眼，一掹雞，即時打爆佢個頭，佢倒地之後衫袋跌咗一包紙巾出嚟，你話佢心地幾唔好，明明有包紙巾，都唔肯借我，簡直死有餘辜。
我用咗一張紙巾幫Simone止鼻血，其餘嘅我用嚟冚住個「實Q」爆咗嘅頭，你睇我幾好人，幾有同情心，我仲以德報怨，一啲都唔記仇。
我根本就無理過其他人，好靜，原來全場都無人夠膽出聲，四個職員三個顧客，個個都呆晒，成碌木咁企晒喺度。我呢個時侯仲顧得打劫咩，緊係呵返Simone先啦，我鍚吓鍚吓，再加上殺人之後嗰種無名嘅興奮，我好想即時同Simone做愛，Simone突然話：「銀行嚟架！好多人！」。我二話不說，一輪機關鎗掃射，所有人都聲倒地，唔好意思囉，咁佢地係阻住我哋吖嘛。
我哋就喺銀行大堂做愛，享受著血腥嘅瘋狂，做完之後，先至施施然去櫃枱攞錢，總數得唔夠十萬。有無搞錯，呢間咩銀行呀！
最後我用咗呢筆錢一手一腳喺海邊僭建咗間木屋，送畀Simone，有山有海有沙灘，去邊度搵！
文：Jackal
