一年一度嘅騎蠻牛大賽又嚟，我期待咗一年，上年我攞唔到冠軍，到尋日都仲有啲唔開心。經過一年嘅努力，今年，我終於攞到個第一返嚟，就喺今日，我贏咗，第一！冠軍！全場都為我熱烈歡呼，不斷叫我個名，Jackal！Jackal！Jackal！嗰種興奮嘅感覺，犀利過有高潮，勁過飛車嘅刺激，超越打劫嘅震撼，只有殺人可以媲美，總之就係正到無倫！
好多人恭喜我，請我飲酒，冰凍啤酒，無嘢好得過喺咁嘅狀態之下，一杯杯冰凍啤酒飲落肚。嘩！乜嗰條啤酒妹咁索！背心仔，超短裙，紅色牛仔帽，襯紅色牛仔靴，青春貌美，細細粒，眼睛發亮，充滿自信，簡直就好似一團火咁！
嗱！嗱！嗱！唔好呀，唔好埋嚟，我體內嘅禽獸會食咗妳！
就好似電影一樣，所有畫面停止晒，聲音無晒，只係聽到我嘅心跳聲，我嘅視點淨係見到條啤酒妹，攞住兩杯大啤，一步一步行埋我面前，隨住一聲“你好勁！”我先至識得醒。佢請我飲酒，主動同我傾偈。
我食住上，“妳又知我好勁？”“試下咪知囉！”啤酒妹竟然夠膽咁樣答我，真係唔知個死去活來個死字點寫，“咁仲等咩？”，“飲埋我請嘅呢杯酒先囉，我叫Simone！”，我一飲而盡，“我叫Jackal！”“成個場都知啦！”啤酒妹將佢飲咗三份一嘅大啤遞俾我，杯邊印有啤酒妹個紅唇，我二話不說，按紅唇位置，一杯清底。
我哋去咗馬房，喺隻馬側邊，瘋狂做愛，嗰種震撼，比起頭先全場高呼我個名更加強烈，我仲以為去咗天堂！
臨走時，我問佢有咩評語，佢粒聲唔出，寫咗啲嘢落個杯墊到，跟手飛個杯墊過嚟，轉身就走。我望住個杯墊，發出充滿自信同自豪嘅微笑，上面寫住佢嘅電話號碼同一句三個字嘅評語——————“馬咁長！”
文：Jackal
15.3.2005
